Што прават денеска

Виолета Томовска

пејачка

Покрај секојдневните обврски, денеска треба да се подготвам и за утрешното патување во Струмица. Таму ќе учествувам на една трибина, во организација на фондацијата „Борис Трајковски“, на тема борба и заштита од ракот на дојката. Искрено верувам дека ваквите трибини им помагаат, ги охрабруваат и ги едуцираат жените.

Сашо Тасевски

актер

Денеска одам во МВР да ги земам новите пасоши за моето семејство. По тој „свечен миг“, се посветувам на мојата професија, т.е. одам на проба на монодрамата „Ноќите“, според текст на Борче Грозданов, а во режија на Ристе Алексовски. Вишокот енергија вечерва од 22 ч. ја исфрлан на партија фудбал со пријателите.

Зоран Стратев

тренер на ФК „Вардар“

За мене, како тренер на фудбалерите на „Вардар“, пролетва ќе нема одмор. Радосен сум што го победивме „Тетекс“, но се' уште сме многу далеку од опстанокот во Првата лига. Понекогаш ме обземаат кошмари од постојаниот стрес дали ќе успееме да се спасиме од испаѓањето?