Кире Лазаров

кап. на Мак. раком. репрезентација

По синоќешниот меч со Естонија во Скопје, утринава, уште во 5,30 ч. тргнуваме на пат за Естонија, каде што в сабота ќе го одиграме возвратниот меч. Летаме до Виена, каде што се преместуваме на летот за Талин, а од таму уште 200 км. со автобус до местото каде што ќе играме. Сепак, ќе имаме време и за еден тренинг, кога ќе пристигнеме.

Александар Димитров

дир. на фест. „Роса“

Имам намера да си купам нова кошула за новиот костум, за новото деветто издание на фестивалот „Роса“, ха,ха. Се шегувам, но сосема сериозно во 13 ч. ќе бидам на пробата во Универзална сала. Вечер од 20,30 почнува фестивалот, со директен пренос на Македонската телевизија.

Силвана Плевнеш

пејачка

Денеска во план е да почнеме со снимање на новата песна на „Силви бенд“, чијшто автор на музиката и текстот сум јас, а Влатко работи на аранжманот. Се радувам посебно на оваа песна, зашто таа ќе биде прва сработена во нашето ново семејно студио. Песната треба да се појави во етерот пред Нова година.