Што прават денеска

Дејан Пројковски

режисер

Ден за премиера, која ќе се случи дури вечер. Затоа претпладнето, со екипата на „Хамлет“, пиеме релаксирачко кафе покрај езеро, а попладне со гостите од Англија, Бугарија и од Полска одиме на ручек. Вечер од 21 ч. пред публиката на „Охридско лето“ премиерно ќе прикажеме што сме направиле со „Хамлет“.

Александра Пилева

пејачка

Денеска се подготвувам за викенд во Грција. Морам да го искористам овој викенд, зашто од идната недела ме очекува многу работа. Во понеделник продолжувам со работа на албумот, идниот викенд имам концерт во Дојран, па на 29 јули учествувам на рок-концерт во Моноспитово, во чест на претседателот Борис Трајковски.

Драган Даутовски

музичар

Утринава патувам за Битола каде што вечерва, во рамките на „Бит фест“, со мојот квартет ќе одржам концерт. Значи, ме очекува концертен ден, со прес- конференција со битолските медиуми, генерална проба и на крај на денот најубавото - концертно дружење со битолчани.