Кирил Рибарски

тромбонист

Денеска имам часови со студентите на Факултетот за музичка уметност во Штип, што значи, покрај предавањата имам и патување на релација Скопје - Штип - Скопје. Во текот на денот треба да остварам и некои контакти околу подготвувањето на програмата на „Интрефест 2009“.

Маргица Антевска

пејачка

Изминатиов период снимав за еден проект на Советот за радиодифузија, а имав и еден настап во Србија, па оваа седмица верувам дека малку ќе се одморам во моето секојдневје, кое започнува со хранење на папагалчето Фико и мачињата. Секако, тука се и семејните обврски, а имам и некои договори околу настап за Нова година.

Тони Митев

дир. на Спортско радио 90,3 ФМ

Денеска, во Скопје започнува ЕП во ракомет за жени, а нашето радио, како официјален медиумски партнер на РФМ, има свои обврски. Така, голем дел од денот ми е исполнет со тоа, а вечер во салата „Борис Трајковски“ ќе го гледам мечот меѓу Македонија и Германија. Паралелно со ова, го подготвуваме и традиционалниот турнир во мал фудбал за медиуми, кој започнува на 15 декември.