Што прават денеска

Виолета Џолева

режисерка

Денеска ме очекува состанок во Центарот за меѓународни односи околу подготовка на една трибина, во соработка со Универзитетот „Кирил и Методиј“, за изнаоѓање решенија за надминување на економската криза. Попладнето ми е планирано за - медитација.

Тамара Тодевска

пејачка

Претпладнево треба да одам на Факултетот за музичка уметност да ја докомплетирам документацијата за запишување на постдипломски студии. Попладне одам на ручек со момчето, па продолжуваме со некој интересен филм.

Сузана Турунџиева

ТВ-водителка

Оваа недела е некако полесна што се однесува на интензитетот на снимање на емисиите. Па, така сонцето од ова циганско лето максимално го користам за прошетки со деветмесечната ќерка Матеја. Ја носиме и враќаме од училиште Лора... Всушност, сето време им е посветено на ќерките.