Грчки клуб може да игра во македонско првенство

Миле Спиркоски, комесар за натпревари во Фудбалската федерација на Македонија (ФФМ), вели дека Статутот на ФФМ дозволува прием на странска екипа за настап во нашето првенство. Но, условите под кои може да се реализира една таква идеја не се прецизирани бидејќи ФФМ не се соочила со таков или сличен пример досега.

„Статутот го дозволува тоа. Зошто да не. Но, условите за тоа дополнително треба да се прецизираат. Не се прецизирани од проста причина што досега не сме имале таква ситуација. За такво нешто одлучува Управниот одбор на ФФМ, откако клубот официјално ќе поднесе барање. Потоа ќе се расправа за критериумите и условите под кои еден странски клуб може да се натпреварува во македонското првенство“, ни изјави Спиркоски. (С.Д.)