Што прават денеска

Гордана Деан - Поп-Христова

кореографка

Вчера со „Ребис“ се вративме од Будва, каде што учествуваме на еден Европски денс-фестивал и освоивме прва награда за нашата хип-хоп точка. Денешниот ден е малку за одмор и радување на успехот, па од утре продолжуваме со подготовките за меѓународниот денс-фестивал, што ќе се одржи од 26 до 30 јули во Охрид.

Ѓокица Лукаревски

актер

Денеска имам слободен ден од снимањето на „Балкан бенд“ (треба да снимиме уште 4 епизоди за сезонава), па ќе го искористам да завршам некои приватни обврски. И полека почнувам да се подготвувам за одмор во Охрид, каде што ќе се случуваат многу настани што се во мој професионален интерес.

Татјана Лазаревска

пејачка и ТВ-водителка

Откако со Новица се зафативме со водење на неделната пладневна програма на ТВ Канал 5, викендот ни е работен, додека официјалната работна седмица ни е слободна. Па, оваа седмица ја искористивме за семеен мини-одмор во Охрид. Утринава ќе решиме каде ќе шетаме и како ќе ни мине денот.