Што прават денеска

Бајруш Мјаку

актер

Веќе десетина дена работиме на копродукциската претстава од регионален карактер „Пер Гинт“. Така и денес, од 10 до 16 часот, имаме проба во Албанскиот театар во Скопје, со режисерот Слободан Унковски. Покрај актерскиот дел, имам ангажмани и како координатор на копродукцијата, па работата не завршува со пробата. Премиерата е планирана за еден месец.

Ребека

пејачка

Претпладнево имам некои обврски околу мојата емисија во продукцијата „Аворд“. Потоа имам договорено фотосесија за еден магазин, а во 17 ч. одам на контрола на бременоста на мојата пријателка Искра Канѕурова, која наскоро треба да се породи. Сето останато време е за син ми Маркијан.

Ели Јосифова

уредник во МТВ

Утрото ми е редовно работно, со ангажманите за Утринската програма на МТВ. Потоа ме очекуваат низа состаноци, во МТВ, па Црвен крст и организацијата„ДАНУ филантропија“. Вечер, со сопругот и ќерката одиме на една семејна прослава.