Благица Павловска

пејачка

Моментално сум целосно ангажирана со преуредување и реновирање на станот, така што пејачките активности малку ми се ставени на „чекање“. Всушност, на чекањето некако му се гледа крајот! Очекувам сопругот во септември да биде на слобода во Италија, па го подготвувам станот за неговото доаѓање и заедничкиот живот.

Сашко Поповски

кап. на Мак. ватерполо репрезентација

Со репрезентацијата веќе сме влезени во интензивните тренинг - подготовки за Европското првенство, што од 4 до 13 јули ќе се одржи во Шпанија. Денеска, од 9 ч. имаме тренинг во теретана, па од 10 до 12 ч. тренинг на Олимпискиот базен во Скопје. Попладне - време за одмор и секојдневен живот, па вечер, повторно тренинг.

Трајанка Илиева

актерка

Претпладнево од 10 ч. веќе сум во Драмски театар, каде што имам проба на „Сон на летната ноќ“, што ја подготвуваме за „Охридско лето“. Потоа продолжувам на ФДУ, каде што ме очекува проба на испитната претстава „Сон на летната ноќ“ на студентите по режија. Вечер на „Баскерфест“, и на крај едно испраќање.