Виолета Томовска
пејачка
Денешниот ден ми е речиси целосно посветен на подготовката за мојот утрешен роденден. Имам и некои други обврски што секако ќе ги завршам, но главно ќе бидам сконцентрирана на роденденските подготовки. Убави се родендените на која било возраст, особено кога се повод за семеен собир.
Иван Новаковски
фин. дир. на „Нова“
Останува уште еден ден за подготовки за утрешниот „Нова - Семеен базар“. Оваа наша традиционална манифестација ќе се одржи утре од 11 до 15 часот, во просториите на училиштето со цел да собереме средства за специфична хуманитарна цел - средства за Домот за доенчиња во Битола. Покрај тоа, ќе бидам преокупиран со прогресот на изградбата на новото основно училиште на „Нова“.
Огненка Герасимовска
пијанистка
Утрово патувам за Приштина, каде што во 14 ч. ќе го пробам клавирот на кој утревечер во рамките на меѓународниот ДАМ - фестивал на класична музика ќе одржам целовечерен концерт со дела од Л. В. Бетовен и Р. Шуман. Вечерва ќе одам на еден од концертите од фестивалот, па рано на спиење, да соберам енергија за мојот концерт. |