Што прават денеска
 Предраг Павловски
актер
Денеска претпладнето ми е слободно, а попладнето работно. Слободното претпладне значи - спиење, обложувалница, носење на ќерка ми на забар. Работното попладне, пак, е одигрување на „Сон на летната ноќ“ во Театарот за деца и младинци.
 Даниела Димовска-Колиќ
дир. на „Лисца“ за Македонија
Овој викенд ми е буквално, прв слободен, по летните одмори. Досега интензивно бев ангажирана околу отворањето и промоцијата на новата продавница на „Лисца“ во центарот на Скопје. Сето слободно време ќе го посветам на семејството и можеби некој излет во околината на Скопје.
 Рамадан Шукри
раководител на Мандолински оркестар
Со оркестарот на МОБ, каде што сум вработен, денеска имаме проба за концертот на 2 октомври, кога се одбележува 60-годишнината на Балетот. Сепак, во текот на викендот работам и на подготовките на концертот на Маднолинскиот оркестар во текот на идниот месец, како и едно гостување, што не' очекува.
|
