Што прават денеска

Сузана Спасовска

пејачка

Деновиве завршуваме со монтажата и продукцијата на новогодишната емисија, производство на мојата продукција „С национале“, која ќе се емитува за време на новогодишните празници на неколку телевизии во Македонија и во Бугарија. Во оваа новогодишна програма учествуваат 20 македонски естрадни уметници.

Коле Ангеловски

режисер

Во овој период сум сосема мавровски расположен. Уште пред да падне снегот, со внукот сме во Маврово и уживаме во зимскиот амбиент и снежната идила. Најубаво е тоа што немам некои работни обв��ски - пишување или подготовка на некоја претстава, па можам целосно да уживам во мавровската зима.

Александар Ристовски-Принц

музичар и продуцент

Во овој период преокупиран сум со работа врз песната за „Рок-агресори“, со која ќе учествува на конкурсот за Избор на песна за Евровизија. Покрај тоа, треба да завршам и спот за изведувачи од Албанија. Сето останато време и меѓувреме, нормално, посветено е на семејството.