Што прават денеска

Наум Петрески

пејач

Утринава се враќам од Белград, каде што вчера снимав албум за „Сити рекордс“, а вечерта гостував на „Бинго“ на РТС. Денеска напладне учествувам во крводарителска акција во Домот на АРМ, во чест на тригодишнината од последниот концерт на мојот пријател и хуман крводарител Тоше Проески. Потоа, одмор во домашна атмосфера.

Магдалена Ризова

актерка

Денешниов ден ми е ангажиран со часови за малите актери од Детското драмско студио при МКЦ. Подготвуваме нова претставава и со радост го прифаќаме и работиме на новиот предизвик. Денеска немам други ангажмани, претстава во театар имам дури в четврток и работата со децата целосно ме исполнува.

Кристијан Габровски

продуцент на „Макфест“

Денеска, ама баш ништо не работам. Мојот дел од работата за „Макфест“ е завршена, песните се снимени и подготвени и очекувам само да дојде четврток и да започне фестивалот. Всушност, по обемната работа и обврските што ме очекуваат, овој одмор ми е неопходен.