Што прават денеска

Перихан Туна

актерка

Во овој период немам обврски во театарот, па го користам да му помогнам на сопругот во неговата работа на изработка на карикатури. Слободното време го користам за подготовка на улогата за една хумористична серија во Турција, што ќе почне да се снима кон крајот на годинава, па често ќе бидам на релација Скопје - Истанбул.

Кирил Рибарски

тромбонист

По успешното издание на „Интерфест“ и по настапот на квинтетот тромбони, на 12 октомври, на затворањето на фестивалот, сега ги „полнам батериите“. Всушност, денес имам предавања за моите студенти на ФМУ во Штип, па денот ќе ми мине на релација Скопје - Штип - Скопје и работа со студентите.

Розе Трајчевска

модна дизајнерка

Преокупирана сум со подготовката на еден личен проект т.е. со изработка на моја модна линија. Сега сум во фаза на организациски подготовки и преговори, додека креативниот дел одамна е замислен во мојата глава, а нешто и на цртеж. Остатокот од денот е за вообичаените семејни обврски.