Јулија - пејачка

Летово настапувам во хотелот "Плажа" во Струга, па може да се рече дека времето го минувам работно, но кога сум покрај езеро се чувствувам како на одмор. Во Струга сум со внука ми Стефани, па денот го минувам со неа и во средби и дружења со пријателите кои доаѓаат тука.

Лазар Магдинчев - тенисер

Пред два дена се вратив дома, во Македонија, по речиси тримесечно отсуство, играјќи на тениските турнири. Би требало повторно да заминам на 15 август, а периодов ќе го искористам да се одморам и да им се посветам на најблиските.

Оливера Станковска - музичарка

Денеска уживам во првиот ден од одморот. Навистина, во Гевгелија е многу топло, но учени сме да излеземе на крај со жештината. Не одам на класичен одмор, можеби неколку продолжени викенди ќе одам во Грција. По одморот планирам да ја преснимам со нов аранжман мојата песна "За сите мали срца".