Претходен број

Место секс, ја претепал партнерката

КУМАНОВО - Полицијата поднесе кривична пријава против П.С. (29) од Куманово поради убиство во обид. Според МВР, П.С. завчера ја одвел дома 28-годишната М.Б., на која и' предложил сексуален однос, на што таа се согласила. Но, поради тоа што бил во алкохолизирана состојба, до сексуален однос не дошло. Изнервиран поради тоа, П.С. се нафрлил врз младата жена и со клоци и тупаници и' нанел тешки повреди. Продолжил да ја удира со чекан по грбот, а со рачка од нож и' нанел повреди на главата. Тешко претепаната М.Б. одвај успеала да се оттргне и да избега од насилникот, скокајќи од терасата на станот на приземјето. Жената се здобила со фрактура на носната коска и со потрес на мозокот. Кај насилникот биле измерени 2,75 промили алкохол во крвта. (Ст.Б.)