Изготвена скица за препораките на ЕК
Вицепремиерот задолжен за европски прашања, Ивица Боцевски, на вчерашната прес-конференција ја претстави скицата за реализација на препораките содржани во извештајот на Европската комисија за напредокот на Македонија за 2008 година. Боцевски изјави дека овој документ претставува институционален, политички и административен одговор на забелешките содржани во извештајот на Европската комисија. Тој потенцира дека ова е првпат Македонија да излегува со ваков документ по објавување извештај на ЕК. Во него се содржани препораки за реализација на забелешките, институциите што треба да го направат тоа, како и рокот за нивно исполнување. (МИА) |
