Што прават денеска

Живкица Каленикова

водителка

Сите, па и овој ден го диктира Даријан. Полека се учиме еден на друг, создаваме навики, тој е љубопитен да го гледа светот околу него. Патем, светот сме му јас и татко му, а овие моменти се вистинско уживање. Претпладне одиме на педијатар за да видиме како напредува, а потоа ќе уживаме во дворот.

Драгана Клопчевска

новинарка

Понеделник пак на слатки маки, повторно мајстори, го средуваме нашиот нов дом и ако не сум присутна имам чувство како нешто да пропуштам. Сигурна ми е масажата во „Енерџи“ и кафе со многу драга пријателка. Вечер ќе гледаме телевизија со сопругот - задолжително вести, а потоа добар филм и некоја лесна вечера.

Антонио Димитриевски

менаџер

Мојата работна агенда започнува од раните утрински часови - првата дестинација ми е Министерство за култура за да ги доставам апликациите и последните документи за конкурсот „Проекти од национален интерес во културата 2012“. Потоа, ќе одам во „Универзална сала“ каде што имам редовни хонорарни обврски, ќе ја посетам и МРТВ. Попладневните часови се за мојата три и полгодишна ќерка Илина и за сопругата Росица.