Димче Мешковски

актер

Пред една недела се вратив од Америка, каде што бев на гости кај ќерка ми. Навистина помина доволно време за адаптација, но со оглед на променливоста на времето, се' уште се привикнувам на временската и климатската разлика. Полека се подготвувам и за овдешните обврски - предавањата на Факултетот за туризам и емисијата “Хихирику“.

Стевче Стојковски

музичар

Слободен викенд, без обврски и настапи, по подолго време. Навистина постои можност за некакво евентуално снимање за емисијата „Зајди, зајди“, но тоа е само во најава за секој случај. Па викендов мислам максимално да им го посветам на семејството и на желбите на децата.

Ѓорѓи Тодоровски

актер

Претпладне треба да одиграм една детска претстава со колешките Снежана Конеска-Руси и Славица Ковачевиќ-Јовановска. Потоа започнува слободниот викенд, што искрено ми годи со оглед на зимскава пролет. Вечер очекувам гости, да го гледаме и коментираме моето учество во емисијата „Не биди паун“.