Што прават денеска

Мите Димовски

музичар

Денеска ги пречекувам синот и сопругата, кои се враќаат од одмор. Така најголем дел од денот им го посветувам ним, да си го надоместиме времето на разделеност. Инаку во студиото започнувам да работам на новиот албум на „Митан проект“ и да се подготвуваме за летните настапи.

Маја Вукиќевиќ

пејачка

За денешниов ден имам многу желби и планови, но дали ќе ги остварам, зависи од расположението со кое ќе се разбудам. Знам дека морам да одам да ја снимам новата песна во студио кај Александар Масевски. Во меѓувреме размислувам и за некоја дестинација за одмор.

Диме Илиев

актер

Уживам во заслужениот одмор по интензивната сезона со претстави и со синхронизации. Всушност, треба да завршам уште неколку синхронизации за ТВ-серии, но веќе сметам дека сум на одмор. Веројатно, денеска ќе поминам на кафе во Драмски да се видам со колегите.