Бјоркман победи во 1.000-од меч во двојки
Јонас Бјоркман го одигра својот илјадити меч во двојки на АТП-турнирите, во кој заедно со Кевин Улиет од Зимбабве славеа со 6-2, 7-5 над Американците Скот Липски и Дејвид Мартин во четврт-финалето на Стокхолм опен, со награден фонд од 713.000 евра. Славеникот во таа чест доби торта на централниот терен на „Ројал тенис хол“ во главниот град на Шведска.
За 36-годишниот Швеѓанец, кој има освоено девет дубл-титули на Гренд-слем турнирите, ова беше 698. победа. Тој би можел да стигне до својата 53. АТП-титула во кариерата ако игра и победи и во финалето в недела. На АТП-ранкингот за играчи во двојки неделава е на 11. место.
„Тоа би било супер“, изјави Бјоркман, кој во Стокхолм има два триумфа во двојки. „Забавно е да се достигне таков резултат. Одигравме два многу добри меча овде. Противниците не ни овозможија лесни поени“.
Сирил Шук го има рекордот по бројот на настапи во двојки, вкупно 1.147, во кои забележал 618 победи и 529 порази. (АП) |
