Братислав Димитров

драматург

Денеска сум во Гевгелија на „печалба“. Се надевам дека ќе стекнам уште многу пријатели на промоцијата на мојата книга „Рецепти за осаменост“. Едвај чекам да се сретнам со љубезните организатори на ова дружење од Домот на култура „Македонија“, библиотеката „Гоце Делчев“ и хотелот „Аполонија“, каде што ќе се одржи промоцијата.

Тони Зен

музичар

Рано утринава се вратив од Истанбул. И покрај заморот, ќе бидам во топ - форма на промоцијата на новиот спот за мојата песна „Микафа ес сукафа“ ( испена на мексиканско - шпански со македонски акцент, ха,ха), која ќе се одржи во ресторанот „Дивино“ од 12 часот.

Никола Ефтимов

моден креатор

Голем дел од денот ми тече, регуларно - работно: прво, предавања на Академија италијана, а потоа подготовка на презентацијата за петок. Се надевам дека ќе завршам со работа навреме и да одам на честитање на славата Свети Никола кај една пријателка.