Што прават денеска

Трајче Георгиев

актер

Претпладне имам едно снимање т.е. синхронизација на цртани филмови. Потоа можам да сметам дека имам викенд, па им се посветувам на семејните обврски и задоволства. Вечерва, иако немам претстава, сепак, ќе ми мине работно, со еден деловен состанок.

Ирена Спасовска

пејачка

Деновиве сум најмногу преокупирана со завршувањето на спотот за мојата песна „Како два и два“. Спотот е веќе снимен, а сега сме во фаза на монтажа. Истовремено се подготвувам и за четвртиот семестар од студиите за менаџмент со еколошки ресурси. Вечерта е резервирана за настап во ресторанот „Беровец“.

Стефан Хаџиниколов

сликар

Уште од вчера ми е план денеска да одам на пешачење на планина. Сепак, тоа зависи од снежните врнежи. Ако има многу снег, планинарењето останува за другиот викенд. Тогаш, најверојатно, ќе работам во ателјето и ќе се подготвувам за мојата изложба во Ниш, во мај.