Дел од пластичарите затворени за фискални
Управата за јавни приходи во контрола спроведена викендов констатирала неправилности кај 54 објекти во Скопје, на т.н. пластичарска улица, во Влае, Ѓорче Петров, Аеродром и Дебар Маало и во Тетово, Гостивар, Кичево и Македонски Брод. Од спроведените контроли, кај 44 даночни обврзници инспекторите констатирале непочитување на Законот за регистрирање на готовинските плаќања, односно нерегистрирање на готовинскиот промет и неиздавање фискални сметки, а кај 10 субјекти утврдено е дека нерегистрирано вршат дејност. Поради сторен прекршок во делот на фискализацијата, на даночните обврзници им се изречени глоби кои се движат од 200 до 1.500 евра во денарска противвредност и мерка привремена забрана за вршење дејност од 30 дена. Што се однесува до субјектите кои нерегистрирано вршат дејност, почната е процедура за нивно регистрирање. (А.С.) |
