Зоран Љутков

- актер

Претпладнето од денешниот ден ми е исполнето со проби за претставата „Чернодрински се враќа дома“, во режија на Мартин Кочовски, во Театарот во Велес, чија премиера ја подготвуваме за крајот на јуни. Покрај тоа, веќе работам и на подготовките на Фестивалот на античка драма што ќе се одржи од 20 до 30 јули во Стоби.



Силвија Митревска

- уредник во „Просветен работник“

Уште од рано наутро со колегите од „Просветен работник“ ги завршуваме последните подготовки за денешната промоција на нашиот специјализиран и редизајниран месечник за образование. Убава можност да се видиме со колегите - нашите верни читатели од цела држава и заедно да го одбележиме настанот. Се надевам дека на сите наставници, воспитувачи и професори ќе им се допадне промоцијата, а сигурна сум дека ќе продолжат да бидат наши верни читатели.



Зоран Ѓорѓиев

- новинар

Според планот на денешните обврски како новинар-дописник од Струмица, прво имам снимање прилог од една поголема вежба на струмичките пожарникари. Понатаму, активностите течат според динамиката на денот, а вечерта сум на матурска прослава кај синот на една колешка.