Кокан Димушевски
музичар

Денеска е мојот важен ден - јубилеен роденден. Својот досегашен половина век живот имам намера да го прославам на врвот на Водно, како впрочем и со години наназад. Го земам велосипедот и се упатувам кон целта, а сите што сакаат да ми го честитаат роденденот знаат каде да ме најдат.

Игор Мурговски
новинар во Сител

Велигденското празнување ми е сосема добредојдено за да се видам со луѓето кои ми се важни без брзање и со вниманието што секако го заслужуваат, но поради работната динамика, ги гледам речиси само на минување. Деновиве пред се' ќе се одморам, ќе се шетам, ќе гледам филмови и ќе се потрудам достоинствено да го прославам Велигден.

Данче Ташевска
козметичарка

Конечно, неколку споени слободни денови за да се одморам и да се посветам на син ми. Велигденските празници ги минувам во Скопје, без претходни планови за некакви излети надвор од градот. Но, ништо не е исклучено, особено ако огрее убаво пролетно сонце.