Калиопи се' побарана во Хрватска
„Желим ти реќи“, новиот албум на поп-дивата Калиопи, една недела по официјалното излегување во Хрватска, веќе е прогласен за албум на неделата! На цедето, кое е во издание на дискографската куќа „Аквариус рекордс“, се наоѓаат 12 композиции, создавани во текот на неколку години и испеани на хрватски јазик, а тоа наскоро ќе може да се најде и во Македонија.
- Музиката е мојот живот, мојот прв брак, тоа постојано му го говорам на мојот сопруг. Секогаш се трудам да направам нешто спонтано, па така настана и овој албум. Не дојдов никому да му украдам дел од медиумскиот колач или публика, едноставно седнав зад клавир и почнав да компонирам песна на Хрватски. Така се роди идејата за албумот, изјави Калиопи за хрватскиот печат.
Патем, покрај новото цеде, настапот на Сплитскиот фестивал и на завчерашниот Избор на мис и мистер на Хрватска, Калиопи во Хрватска деновиве е се' поактуелна и со новиот спот за темата „Љуби“, снимен во Охрид, во режија на Дејан Миличевиќ, на кој се појавуваат Васил Зафирчев и Билјана Беличанец- Алексиќ. |
