ДНК

Се загреваат за концерт

Панчо и Андреј, идеалните половини на дуото ДНК ги објавија деталите околу претстојниот концерт што треба да се случи на 24 септември.

„Специјално за концертот од Хрватска ќе допатуваат момците од групата „Конект“ и Оли Доболи, официјалниот диџеј на Едо Мајка. Најавуваме одлична забава и голем спектакл“, вели Панчо, кој информира дека влезниците ќе бидат пуштени во продажба од 10 јули, а нивната цена ќе биде 200 денари со прогресија до самиот концерт, кој се организира во соработка со менаџерот на „План Б продукција“ - Кристијан Стефановски.

Панчо и Андреј од завчера се и заштитни лица на Европскиот универзитет каде што од септември ќе ги започнат студиите по маркетинг-менаџмент. ДНК моментално се актуелни и со новиот видеозапис со Ена за темата „Од утро до мрак“, кој го изработи „Томато продукција“ и во кој се појавуваат повеќе јавни личности.