Што прават денеска
 Ана Зафирова
водителка
Четврток е стандарден ден за монтажа на мојата емисија „МК проект“. Остатокот од денот ми се развива во зависност токму од тоа колку ќе заглавам таму. Во секој случај вечерва се подготвувам за добар жур на роденден кај една моја блиска другарка.
 Марко Чаласан
најмлад систем-инженер на „Мајкрософт“
Се будам околу 9 часот и ги извршувам сите секојдневни активности. Доколку имам обврски во училиштето - ги завршувам и нив, а потоа доаѓа мојот омилен дел од денот кога спремам дел од лекциите, работам на компјутер и изучувам нови работи во информатиката. Потоа доколку моите другарчиња се надвор, си играме разни игри. Се враќам и читам некоја добра книга.  Магдалена Цветкоска
пејачка
Денешниов ден ми е исполнет со подготовки за снимањето на мојот прв видеозапис за новата песна. Заедно со режисерот Владимир Митревски- Ѓуле ги договарам деталите околу снимањето, а потоа се упатувам на релаксација во студио „Ив“. Попладне се враќам во Тетово, одам на проба кај креаторката што ми ја изработува гардеробата за спотот, а ноќта ја посветувам за работа во студио заедно со мојот брат Лазар. | 
