Што прават денеска
 Александра Пилева
пејачка
Денеска имам важен ден, во кој ќе се случува промоцијата на мојот нов албум Get back to studio RockиRoll, па се' што правам денеска ми е врзано со тоа. Претпладне ја подготвувам гардеробата и шминката, попладне имам тонска проба, зашто тоа, всушност, е концертна промоција со свирка во живо и од 20,30 часот ги очекувам гостите во студио „Рокенрол“.
 Ленин Јовановски
дир. на „Слобода превоз“
Утринава, уште во 7,30 часот имам гостување во Утринската програма на МТВ, па потоа продолжувам со турбоработни состаноци, околу почетокот на електронска наплата во приватните автобуси. Од идната недела на 30 пункта во Скопје треба да може да се купат картичките. Вечерта е планирана за моторџиите од Србија и Русија, гости на нашиот клуб „Ноќни волци“.
 Берта Додевска
ТВ-репортер
Претпладне треба да се сретнам со мојата ТВ-екипа за да договориме и прецизираме некои работи околу патувањето во Дубаи, кон крајот на месецов. Попладне треба да потпишам договор за емитување некои мои емисии, преведени на друг јазик. Вечерта ќе ја минам во дружење со гости од Љубљана.
|
