Што прават денеска

Димче Мешковски

актер

Вчера долго снимавме нови епизоди за „Балкан бенд“, па денес е малку порелаксиран ден, во поглед на работните обврски. Сепак, денеска имаме некои проби, а и ги снимаме сонговите. Но, денешниот ден го сместувам во оние порелаксираните.

Искра Шукарова

балетски уметник

Во процес е подготовката на Академија за танц во рамките на Факултетот за музичка уметност што треба да започне да функционира од есен. Моментално сум ангажирана како дел од тимот што ја подготвува наставната програма, па максимално и' сум посветена на работата. Аудициите за студентите ќе се одржуваат во текот на август.

Боби Серафимовски

музичар

Максимално сум преокупиран со организација на моето патување идниот месец во САД. Патувањето е поврзано со промоцијата на мојата работа со филмската музика. Па денес, работниот дел од денот го минувам во Скопје, а попладне сум во Куманово во кругот на семејството - со синот Давид, ќерката Мила и сопругата Фросина.