Што прават денеска

Мими Шејкероска

изв. директорка на „Пристоп МК“

Во преполната агенда со состаноци, дел од работниот ден ми е посветен на денот на Словенечко-македонскиот бизнис-клуб, кој ќе се одржи во ГТЦ. „Пристоп МК“ ќе се презентира под мотото „Препорака за комуникација“ - одлична можност за средба со колегите од клубот, нашите деловни соработници и заинтересираните граѓ��ни. Попладнето и вечерта ги минувам со моите Горазд и Војдан.

Антонио Георгиев

кардиолог

За мене денеска е финалето на еден поголем труд од научно-публицистички карактер. Во 14 ч., во ресторанот „Воденица“, ќе биде промовирана мојата книга „Молекуларни и социомедицински аспекти на коронарно- артериските болести“. Инаку книгата е публикувана во Германија и верувам дека ќе придонесе за афирмацијата на македонската наука.

Лира Грабул

костимографка

Среќна сум што денот ми е исполнет со младост и креативна енергија. Тоа ми го овозможува работата со учениците во Средното уметничко училиште, каде што сум професорка. Денешниов ден ми е посветен на матурантите, со кои денес имам часови, како и за нивните животни одлуки. Попладнето е за одмор и за семејни активности.