Иво Јанковски

- менаџер

Се подготвувам за една мини-балканска турнеја. Елена Ристевска во понеделник настапува на "Операција триумф", па утре веројатно ќе патуваме за Белград. Оттаму, ќе продолжам за Сараево, да го договорам настапот на Елена во шоуто на телевизија ОБН "Ѕвездите пеат со ѕвезди".



Калина Наумовска

- актерка

Започна сезоната во Драмски театар, па претпладнето е исполнето со проби за обновување на старите претстави, но и за некои нови. Вечер, пак, на сцената играм во претставата "Комшилук наопаку". Убаво е кога се работи, во секој случај.



Ѕвонко Давидовиќ

- адвокат

Уште еден динамичен адвокатски ден, во кој ме очекуваат бројни обврски со странките. Голем дел од работниот ден го минувам во суд, речиси од 9 до 15 часот, застапувајќи во повеќе судски процеси. Крајот на денот е за семејството и размислување за евентуално слободен викенд.