Шерил Кол

Потпиша договор за шест милиони фунти

На Шерил Кол работата едноставно и' процвета. Британската пејачка наскоро би можела да потпише договор вреден 6 милиони фунти за пробивање на американскиот пазар. Членката на жирито „Х-фактор“ одлетала за Лос Анџелес на преговори со шефовите на „Универзал“ и се чини дека договорот само што не е потпишан.

„Доби повик! Еден постар директор и' кажа дека сакаат да ја видат, па таа скокна во авионот и тргна да гради кариера во САД“, рекол извор близок на 27-годишната пејачка.

Откако Шерил се разведе од бившиот сопруг, фудбалерот Ешли Кол, деловниот живот и' процвета. За голема сума пари стана членка на жирито во реалити-шоуто „Икс- фактор“, а сега би можела да го покори и американскиот пазар.

За време на престојот во САД пејачката се видела и со пријателот Дерек Хју. Медиумите веќе безброј пати се обидоа да ги претстават како вљубен пар, но тие гласишта никогаш не се потврдија.