„НОИЗ“

Концертна промоција на албумот првенче

Младата панк рок-група „Ноиз“ вечерва со концертна свирка во клубот „Хавана“ ќе го промовира албумот првенче, насловен „Пробувам и успевам“.

Бендот е основан во ноември 2007 год., а до 2009 год. егзистираше по името „Atomic Wedgie“. Во меѓувреме претрпе неколку промени, а сега функционира во состав: Александар Дренковски-Алек, Дренко (вокал, бас-гитара), Михаил Намичев (соло-гитара, бек-вокал), Стефан Петровски (вокал), Александар Петков (тапани, бек-вокал) и Горјан Стојменовски (гитара, бек-вокал). Зад себе имаат учества на неколку манифестации како „Рок фест“, „Гитаријада“, „Винер фест“ на кој ја освоија првата награда и добија на подарок снимање албум во професионално студио.

Момците од „Ноиз“ ветуваат одлична панк рок-журка и многу изненадувања на вечерашната промоција, чиј почеток е закажан во 21 часот.