Што прават денеска

Петар Мирчевски

актер

Во периодов започнуваме со подготовките на претставата „Дон Кихот“, во режија на Владе Цветановски, па наскоро ќе започнеме со пробите во Битолскиот народен театар. Вечер ќе одам да ги гледам колегите на претпремиерата на „Опасни врски“. Сето останато време најубаво ми е да го минувам со внуката Бисера.

Елена Велевска

пејачка

Денеска е ден за земање здив во интензивниов декември, исполнет со снимања и настапи. Значи, денес е ден за домот и семејството, па утре продолжувам со настап - гостување во Битола, а в сабота имам снимање на новогодишна програма за телевизијата Телма.

Кристијан Габровски

музичар и продуцент

На прв поглед ден не многу различен од моето вообичаено секојдневје. Речиси по цел ден сум во студиото, а денеска работам на новата песна на Александар Белов и верувам дека денеска ќе биде готова. Она што останува од денот е наменето и исполнето со семејни работи.