Што прават денеска

Јелена Јованова

актерка

Денеска е мојот последен ден на филмскиот сет во Будимпешта, каде што бев ангажирана со една улога во филмот на Анџелина Џоли. Го завршувам мојот дел од снимањето и се подготвувам за враќање во Скопје. Екипата останува во Будимпешта уште неколку дена. Всушност ,снимањето е при крај, а искуствата наскоро ќе ги систематизирам дома, во Македонија.

Каролина Гочева

пејачка

Пред мене е викенд без многу обврски, па денеска ќе уживам во ноемвриското сонце во саботната скопска шема, на кафе со пријателите. Вечерва, пак, имам настап на прославата на вториот роденден на емисијата „Бекстејџ“. Тоа е, сепак, комбинација на професионална обврска и пријатно дружење со новинарите и со колегите.

Миле Барбаровски

композитор

Наближува фестивалот „Роса“, кој ќе се одржи на 26 ноември во Универзална сала. Почестен сум со наградата за животно дело од овој фестивал, но, сепак, мојата улога не е само почесна. Работам на неколку песни за годинешното издание, па најголем дел од денот го минувам во студиото.