Фудбалски вести
Играчот на Марибор Зоран Павловиќ во 50 минута постигна гол од корнер
Марибор вест на денот во ЛШ
Најдобриот словенечки клуб Марибор ги отвори речиси сите извештаи во европските медиуми за првите натпревари од 3. претколо од Лигата на шампионите. Иако, првакот на Швајцарија Цирих поведе уште во четвртата минута со голот на Вонлантен, Словенците на крајот не знаеја како да и се израдуваат на победата од 3:2. Таварес во 12. и 22. минута донесе пресврт (2:1), а Хасли во 29 минута се стави на почеток. Победничкиот гол го постигна Зоран Павловиќ во 50 минута, а истиот играч во 82 минута промаши пенал.
Освојувачот на Купот на УЕФА фаворизираниот Шахтјор се спасуваше од пораз во првиот дуел од 3. претколо во Лигата на шампионите против романскиот Темишвар. Романците до 86 минута имаа 2:1, кога Бразилецот Фернандињо израмни на 2:2.
Лошо стартуваше и Селтик. По добрите резултати во подготвителниот период Шкотите загубија на свој терен од Динамо Москва (0:1 Кокорин 7. минута). Белградски Партизан одигра лошо на гостувањето кај Апоел од Кипар и загуби со 0:2, а Динамо Загреб оствари 1:1 кај Салцзбург.
Резултати од првите мечеви од 3. коло во ЛШ: Левадија - Дебрецин 0:1, Апоел - Партизан 2:0, Шериф - Славија Прага 0:0, Слован - Олимпијакос 0:2, Копенхаген - Стабаек 3:1, Цирих - Марибор 2:3, Селтик - Динамо М. 0:1, Спортинг - Твенте 0:0, Шахтјор - Темишвар 2:2, Салцзбург - Динамо Загреб 1:1.
Баерн без наЈдобрите го прегази Милан!
Домаќинот Баерн и Манчестер јунајтед изборија пласман во финалето од „Ауди купот“, подготвителниот турнир кој се игра на „Алианз Арена“. Јунајтед во првиот меч го победи Бока јуниорс со 2:1, а во ворото полуфинале Баерн спектакуларно го декласираше Милан со 4:1 пред преполниот стадион. Навивачите на Баерн имаа причина за задоволство, па дури и по��еќе поради играта отколку поради резултатот. Баварците во сите 90 минути доминираа на теренот, создадоа многу шанси, па нивната победа можеше да биде и поубедлива.
Баерн играше без повредените и недоволно подготвени Рибери, Олиќ, Клосе и Тони, а Даниел Прањиќ одлично се вклопи во дефанзивниот ред, особено во првиот дел кога имаше и офанзивна улога. Посебно се истакна двојниот стрелец 19 годишниот талентиран напаѓач Томас Мулер, кој порасна во Баерн. Головите ги постигна во 12 и 90 минута, а беше асистент при третиот гол. Погодок постигна и Швајнштајгер, а единствен стрелец за Милан беше Пирло од слободен удар.
Елано потпиша за ГалатасараЈ за 9,5 милиони евра
Бразилскиот репрезентативец Елано Блумер (27) го напушти Манчестер Сити и му се придружи на турскиот Галатасарај. Елано потпиша четиригодишен договор, а Сити за трансферот ќе одбие 9,5 милиони евра. Тој е четвртиот играч што го напушти Сити, по Чед Еванс, Валериј Божинов и Фелипе Каичедо. Но, треба да се каже дека Сити досега потроши 90 милиони евра за да ги донесе Герет Бери, Тевез, Роке Санта Круз, Адебајор и Коло Туре.
Арбелоа и официјално во Реал М за 4. млн. евра
И Ливерпул и Реал Мадрид го потврдија трансферот на шпанскиот репрезентативец Алваро Арбелоа од „Енфилд“ на „Бернабе“. Арбелоа ги мина медицинските прегледи и потпиша петгодишен договор. Реал на Ливерпул ќе треба да му плати отштета од четири милиони евра. По Алваро Негреда и Естебан Гранер, Арбелоа е третиот фудбалер од подмладокот на „кралевите“ кој ова лето, откако се афирмираше надвор од Мадрид, е вратен во клубот.
Касерес го засилува Јувентус
Мартин Касерес денеска треба да стане нов член на Јувентус со што би била комплетирана дефанзивната линија, за која од почетокот трага Ќиро Ферара. „Старата дама“, се надеваше дека Касерес ќе дојде како позајмен играч од Барселона, но очигледно ќе мора да им плати на Каталонците 12 милиони евра. Барса така ќе врати само дел од парите кои му ги даде на Вилјареал за овој фудбалер. |
