Што прават денеска

Ирена Спировска

уредник во ТВ Алфа

Денот ми почнува уште рано наутро, со подготовка на емисијата "Гламур", што треба да почнеме да ја снимаме во 12 часот. По снимањето продолжувам со монтажа на репортажата од Нанчанг, збратимениот град на Скопје во Кина, која треба да се емитува на 17 март од 21,30 часот.

Влатко Плевнеш

музичар

Денеска завршувам со миксањето на новата песна на „Силви бенд“ - „Не сакам крај“, која е првенче од нашето ново студио. Автор на музиката и текстот е Силви, а јас работев на аранжманот. Сега треба да се направи медиумска промоција, што значи дека наскоро ќе ја пуштиме во етерот.

Наташа Мешковска

проф. на ФФК

По синоќешното снимање на емисијата „Посилен пол“, денешниов ден ми продолжува како на филмска лента. Претпладне имам настава со моите студенти на Факултетот за физичка култура, а попладне тренинг со децата од Пливачкиот клуб. Во меѓувреме, се подготвувам и за викенд-скијање.