Што прават денеска

Ермис Лафазановски

писател

Денеска патувам за Белград за да го посетам Саемот на книгата. Годинава саемот го фаќам на крајот, бидејќи ги очекував резултатите од конкурсот за кус расказ на „Нова Македонија“. Чекањето беше оправдано, бидејќи вчера ми беше доделена третата награда на конкурсот. Па сега се честам себеси со еднодневна посета на саемот во Белград.

Дејан Пројковски

режисер

Претпладнево сум во Битола. Во Битолскиот народен театар имам проба на „Опасни врски“, чија премиера ја подготвуваме за средината на декември. По пробата, неизбежното кафе-дружење во „Сејмос кафе“, па тргнувам на пат за Скопје за да фатам барем нешто од семејниот викенд.

Јордан Симонов

актер

Речиси не можам да поверувам дека викендов ќе ми биде слободен. Во МНТ работиме на новата претстава „Така било пишано“, според текст на Сашко Насев, во режија на Синиша Ефтимов, но денес немам ниту проба ниту претстава. Немам ни синхронизации, па ова ќе биде целосно семеен викенд.