Што прават денеска
 Виолета Томовска
пејачка
Ден исполнет со многу обврски. Во „Животна искра“ веќе започнавме со подготовки на активности и програми за „Месецот на рак на дојката“ во октомври. Инаку, имам и гостинка од Канада, па треба да и' се посветам и неа, а вечер имаме снимање во ТВ Алфа.
 Трајанка Илиева
актерка
Денеска има две проби на „Маркиза“, со оглед на тоа што в петок имаме премиера на претставата. Така, претпладне и попладне, со пладневна пауза, всушност, сум во театар. Вечер, ако стигнам, ќе одам да погледнам некоја претстава на МОТ.
 Весна Станоевска
харфистка
Неодамна се вратив од Њујорк, каде што имав концерт во македонскиот културен центар, а сега се адаптирам на мојот нов, професорски ангажман во Средното музичко училиште. Денеска имам два часа, а попладне, од 17 часот, имам проба со Македонската опера. Се надевам дека ќе стигнам да видам и нешто од МОТ. |
