Што прават денеска

Гоце Смилевски

писател

Вечерва во Кралскиот фламански театар во Брисел ќе ми биде врачена Наградата за литература на Европската унија, што ми беше доделена за романот „Сестрата на Зигмунд Фројд“, во текот на годинашниот Саем на книгата во Франкфурт. Ова високо признание го доделува Европската комисија во соработка со Европската федерација на издавачи и тоа за мене претставува голема чест.

Маргарита Христова

пејачка

Пред две седмици се вратив од Кушадаси, Турција, каде што снимав две нови песни од композиторот Толга Ѓурдул. Во почетокот на декември повторно имам снимање во Турција, па перио��ов го користам да се освежам во мојата Битола, а и да го подготвиме именденот на татко ми в недела, на 21 ноември - Свети архангел Михаил.

Маре Стоилова

гл. уредник во Канал 8, Кочани

Откако станав косопственичка и главен уредник на кочанската ТВ Канал 8, имам работа преку глава. Денеска имам средби со двајца бизнисмени, а потоа бркам дневни, актуелни теми од животот на Кочани и на Виница. Во 14 часот редовна средба со екипата од телевизијата и преглед на дневната реализација. Овие нови обврски целосно ме исполнуваат и со радост го дочекувам секој нов ден за да ја работам работата што најмногу ја сакам.