Што прават денеска
 Лилјана Корубин
модна дизајнерка
Претпладнево со пријателката Ева, која е унгарски дипломат, тргнуваме во потрага по материјали за креацијата што треба да и' ја изработам за националниот ден на Унгарија. Попладнето не ми е испланирано со обврски, па можеби ќе работам на некои скици или со сопругот ќе посетиме некој културен настан.
 Тодор Миладинов
раководител на ТК „Ритам плус“
Денеска, а и целата оваа недела сум ангажиран со уписите за новиот циклус курсеви по танцување на „Ритам плус“, кои започнуваат идната недела. Попладнето, всушност вечерта, од 20 ч., сепак, имам часови со една група на возрасни посетители на курсот по танцување за одржување на формата и континуитетот.  Весна Станоевска
харфистка
Работна обврска во денешниов ден ми е пробата во МОБ за претставата „Љубовен напиток“, која ја изведуваме на репертоарот во петок. По пробата, можеби ќе одиме некаде на гости или на кафе-муабет во некое кафуле, но тоа е повеќе работа на спонтан договор. Немам некои посебни планови. | 
