Што прават денеска
 Марија Саздева
ТВ-уредничка и водителка
Ова е мојот прв работен ден оваа година без рефлектори, камери и подготовки за емисија. И уживам во промената. А ужива и мојата екипа што, конечно, го добива заслуженото внимание. Се дружиме, креираме, монтираме, издвојуваме највпечатливи изјави од гостите со кои имавме „Заеднички ручек“ изминатата сезона и веќе во 16 часот ќе можете да видите што сме сработиле.
 Марија Партикова
докторка по традиционална медицина
Денот го започнувам рано - додека не почнат горештините за да направам уште малку од чаевите и од напитоците, што многу се пијат токму в лето. Ме очекува средба со луѓе, можност да дадам совет, да помогнам и цел ден сум на таа задача. По 18 часот семејно се разладуваме во дворот - кој со црево, кој со прскање.
 Убавка Јаневска
новинарка
По утринското кафе пред компјутер, интернет-комуникацијата и „часот по самохрабрење“, подготвено ќе му се спротивставам на пеколното сонце и високото УВ-зрачење. Првата планирана работна дестинација, за денеска, е велешкото езеро Младост каде што се одржува вториот интернационален гастрономски фестивал. Сигурна сум дека цел ден ќе уживам во специјалитетите.
|
