Што прават денеска

Сузана Гавазова

пејачка

Денеска планирам сето време да го минам во одмор и да акумулирам енергија за новогодишната ноќ, кога ќе настапувам во хотелот „Епинал“ во Битола. Конечно, пронајдов слободен ден за одмор, бидејќи изминативе два месеца постојано сум на патувања, настапи и снимања и речиси немам време да се погледнам.

Калина Наумовска

актерка

Театарската сезона за оваа година ја затворивме и деновиве си дозволувам да уживам во новогодишното расположение. Денеска, со колешките од театарот си организираме новогодишна прослава во ресторанот „Шафран“, па треба да настапам со своето најдобро расположение. Не планирам некој специјален пречек на Нова година, но уживам во новогодишната атмосфера.

Катерина Стојановска-Десковска

ТВ-водителка

Утрото ми започнува со подготовки за моето гостување со Дедо Мраз во петочната емисија на „Добро утро, Македонијо“ на МТВ и најава за празничното издание на „Нешто+со Кате - новогодишна“. Терминот е редовен - недела 16ч., МТВ1. Попладнето е резервирано за синот Андреј и семејството.