Што прават денеска

Мартин Вучиќ

музичар

Денеска се враќам од Австрија по успешните концерти во Народниот театар во Виена, каде што во рамките на македонско-аврстиската културна соработка го претставив мојот албум „Звуците на Македонија“. По враќањето, продолжувам со подготовките на концертот во Скопје.

Зуица Лазова

пејачка

Ден речиси без пауза, кој, нормално, започнува со обврските на работното место во МБУЦ. Потоа ги земам синот и ќерката од градинка и од училиште. Попладне имам снимање на емисијата „Зајди, зајди“, па продолжувам на промоција на спотот на колешката Сузана Гавазова. Оттаму одам на редовен настап во „Беровец“.

Братислав Димитров

драматург

Денеска сакам да научам нешто ново и убаво. Затоа ќе ги посетам моите внуци од сестра ми и од балдаската: Стефани, Кјара, Калин, Катја и Софија. Крајно време е да почнам да се занимавам со вистински работи во животот.