Што прават денеска

Елена Ристевска

пејачка

Денот ми е исполнет со подготовки за вечерашното гостување на концертот на Ламбе Алабаковски. Од 11 ч. вежбам во теретана, попладне продолжувам на шминкање кај Дадар, и на фризер во студио „Есенс“. Пред 20 ч. сум во Универзална сала и започнува концертот, кој верувам ќе биде одличен.

Валентина Ѓоргиевска

новинарка

Ова е еден од поактивните викенди, поради традиционалниот фудбалски натпревар меѓу екипите на новинарките и пејачките, утре во 17 ч. во салата „Ченто“ во Маџари, во рамките на ФМ-турнирот во мал фудбал . Утрово, по гостувањето во ТВ Сител, како селектор на женската новинарска репрезентација, денот го минувам во Спортско радио 90.3 и со организаторот Тони Митев ги договараме последните детали за овој спортски настан.

Лазар Темелковски

презентер во ТВ Алфа

Денеска ми е првиот ден од слободниот викенд по подолго време, во кој планирам само добро да се одморам. Всушност, не сакам да правам некои детални планови, туку оставам да ми дојдат спонтано, кога ќе ми здодее одморањето во домашни услови.