Штрајк на дипломатите

Италијанските дипломати во Рим и низ светот денеска штрајкуваат поради кастрењето на буџетот со планот за штедење на владата на Силвио Берлускони, обвинуван дека ја „урнисува“ националната дипломатија. Протестните активности го зафатија и седиштето на министерството за надворешни работи во Рим и 325 претставништва на Италија во странство - амбасади, конзулати, постојани претставништва и културни институти. Дипломатите ќе ја намалат својата активност до минимум, соопшти синдикатот.

Штрајкот што беше организиран минатата недела на конференцијата на италијанските амбасадори во министерството, „ќе трае само еден ден и нема да доведе до сериозни непријатности за италијанските граѓани“, дополнува синдикатот на дипломатите. (МИА)