Што прават денеска

Татјана Стојаноска

социолог

Денот го започнувам со утринско кафе и прошетка за да се наполнам со позитивна енергија, како увертира на обврските што ме чекаат. Потоа продолжувам со интензивна работа на мојот докторски труд, попладнето е посветено на женски разговори со Кристи, Ирена и Еци, а вечерта е резервирана за љубениот.

Оливер Јосифовски

група „Љубојна“

По утринското расонување, веднаш седнувам да прочитам некоја страница од писателот Орхан Памук, односно од неговото дело „Се викам црвено“. Потоа имам обврска да свртам повеќе телефони и да се договарам околу претстојните настапи на групата „Љубојна“.

Ратко Димовски

радиоводител

Најпрво го пијам утринското кафе за да ми започне убаво новиот ден. Доколку времето е сончево, излегувам надвор да ја соберам потребната инспирација што ќе ми помогне во креирање музика, а доколку е облачно или врнежливо, се задоволувам со меланхолијата. Во вечерните часови и' се препуштам на мојата друга љубов - правото, за на крајот да се спремам за новата радиоемисија „Психоделични фреквенции“.