БРИТАНИ МАРФИ

Актерката и нејзиниот сопруг починале од мувла

Се сметаше дека младата американска актерка трагично почина од прекумерна консумација на лекови, но подоцнежните истражувања покажаа дека, сепак, нејзината мистериозна смрт, но и смртта на сопругот, сценаристот Симон Монџек, дошла по воспалување на белите дробови (пневмонија). Најновите информации, пак, велат дека мувлата е виновникот за смртта на 32-годишната актерка и на нејзиниот маж. Со најновите резултати се дојде до сознание дека мувлата влијаела врз нивните респираторни системи и таа била присутна во куќата уште од првиот ден на истрагата, но тимот што работел не и' придавал посебно значење како фактор за смртниот случај.

Според магазинот „ТМ-З“, опасната мувла, која бил пронајдена насекаде низ нивниот дом, влијаела врз респираторниот систем, а со тоа го поттикнал и воспалувањето на белите дробови, по што настапила смртта на актерката на 20 декември минатата година. Само пет месеци подоцна, вдовецот Монџек, кој присуствуваше во заедничкиот дом, почина на истиот начин.